DOBEN Ó FIAR BA SEXTO SENTIDU (SIXTH SENSE) KA LAE...?

DOBEN Ó FIAR BA SEXTO SENTIDU (SIXTH SENSE) KA LAE...?

Hau fiar katak domin ne’e bele haborus liafaun (Beyond the language). Hau iha istÓria badak ida atu halo analojia.

Meziña ki’ikoan hafahe kadeira rua iha varanda-oin. Husi kadeira rua ne’e tuur hela feen ho la’en ne’ebé moris hamutuk durante tinan ualunulu-resin-ualu tia ona. Iha tinan  haatnulu ho balun liu ba, sira rua pasa tempu haksolok, kontenti no triste husi fatin ba fatin liu husi instrumentu liafuan. Maibé tempu ne’ebé hakat hamutin fuuk, halakon forsa no hamukit sira nian memÓria. Iha restu idade ne’ebé la produtiva ona, sira deside atu harii uma iha foho-tutun, besik kapela furak ida. Husi ne’e sira bele haree fatin hotu-hotu. Husi  fatin ne’e mÓs istÓria komesa hahú.

Iha loro-kraik ida, bainhira loron-matan komesa nakaras ba kalan. AbÓ -feto ho abÓ-mane  tuur iha varanda-oin, tuur hodi hein loron-matan ne’ebé atu mout. Sira tuur entre meziña ki’ikoan ida. Sira tuur hodi kaer ai-tonka iha liman laran. Sira tuur ho monok no la iha liafuan. Karik, liafaun laiha tan sentidu. Maibé hau fiar sira ko’alia ba malu husi sexto sentidu (sixth sense).